لسنوات طويله تتشابه الايام ولا جديد , ما اقوم به اليوم هو ما سوف اقوم به غدا وما بعد غد وربما لسنوات اخرى قادمه وكان فيه جدول ثابت لكل حاجه , حاولت اكتر من مره الهروب من تلك الرتابه الممله والمميته ولكن بلا فائده , غيرت العمل وسافرت ومع السفر والغربه زاد الممل وزاد القرف [...]
عندى عشق غير عادى للروايه الروسيه فى القرن 19 من تولستوى وديستويفسكى الى جوجول وتورجينيف تقريبا كل الروائيين الا فى القرن 19 .اعظم انتاج ادبى ممكن اغرق فيه ومن الروايات المؤثره قوى الا دايما احب اقراها رواية المعطف لجوجول .واحد غلبان شغال شغلانه حقيره كان حلمه يشترى معطف بدل المعطف القديم المتهلهل لان الشتاء قاس [...]
رغم النتيجه المتوقعه لفوز حسنى مبارك فى الانتخابات وكنت متاكد وعلى يقين من النتيجه الا انى اصابنى غم وقرف لما عرفت انه نجح او بالذات اما شفتها على التليفزيون ولسه يمكن مش قادر اكتب حاجه لحد ما اخرج من الموود ده.
الانتخابات خلصت وبعد كده هيبتدى مولد سيدى مبارك والافراح والليالى الملاح واحتفالات من هنا للسنه الا جايه وان خلاص حصل على صك الشرعيه زى الابن الغير شرعى الا ابوه بيعترف بيه بعد 24 سنه , والاعتراف ده فى مخيلة مبارك والا حواليه لانه حتى هذه اللحظه ورغم الانتخابات ما حصلشى على الاعتراف لان الاستفتاء وبعده [...]
محدش عبر الناس الا بره مصر فى موضوع الانتخابات , كان زمان ايام المبايعه السفارات والقنصليات بتفتح ابوابها اما دلوقتى لا حس ولا خبر عموما انا اصلا مقاطع بس الماله مسالة مبدا وهو ان الدوله بتكون لكل مواطنيها فى الداخل والخارج وبتحترم راى الموجودين على اراضيها والا مش موجودين بس النظام بتاعنا “الغير شرعى” لا [...]
